Nhar it-Tnejn filgħodu, l-Papa Franġisku ltaqa’ mal-qraba ta’ ostaġġi Iżraeljani miżmuma f’Gaża mis-7 ta’ Ottubru 2023. Skont l-Uffiċċju Stampa tas-Santa Sede, l-laqgħa privata saret fil-Palazz Appostoliku tal-Vatikan.
Matul iż-żjara tal-familji tal-ostaġġi fl-Italja, hemm skedati wkoll laqgħat ma’ diversi rappreżentanti ta’ istituzzjonijiet politiċi, u ma’ membri tal-komunità Lhudija.
Din hi t-tieni laqgħa tal-Papa Franġisku mal-qraba tal-ostaġġi Iżraeljani. F’Novembru 2023, il-Papa ltaqa’ ma’ grupp ta’ qraba ostaġġi fir-residenza tiegħu, kif ukoll ma’ grupp ieħor, separatament, ta’ qraba ta’ dawk li qed ibatu mill-gwerra u l-kriżi umanitarja f’Gaża.
Id-delegazzjoni li ġiet Ruma hija komposta minn Bezalel Shnaider, zija ta’ Shiri Bibas, il-mara meħuda maż-żewġt itfal tagħha, Ariel ta’ 4 snin u Kfir ta’ 9 xhur (l-iżgħar fost l-ostaġġi li ċċelebra l-ewwel sena tiegħu fil-magħluq); Gal Dalal, li ħelisha waqt li kien fil-Festival tas-Supernova, u li hu ħu Guy ta’ 22 sena, maħtuf waqt dan il-festival.
Preżenti kien hemm ukoll omm, Merav Gilboa Dalal; Naama Miran, oħt Omri Miran ta’ 46 sena, maħtufa fil-kibbutz ta’ Nir Oz; Lee Yam Berger, oħt it-tewmija ta’ Agam, suldat ta’ 19-il sena, li ġie maħtufa fil-bażi militari ta’ Nahal Oz; kuġina Sarah Waxman Bakshi; u Alon u Amit Nimrodi, missier u oħt Tamis, suldat meħud mill-Ħamas mill-bażi ta’ Cogat.
Il-Qdusija Tiegħu kemm-il darba talab għal waqfien mill-ġlied fil-Medda ta’ Gaża, biex jiġi ffaċiltat l-aċċess għall-għajnuna umanitarja, għal negozjati biex tintemm il-gwerra, u għall-ħelsien tal-ostaġġi.
Għal aktar tagħrif idħol fuq is-sit: https://www.vaticannews.va/en/pope/news/2024-04/pope-francis-meets-with-relatives-of-israeli-hostages-in-gaza.html