Il-Ħadd 21 ta’ Lulju, il-Papa esprima t-tama tiegħu li l-Logħob Olimpiku u Paralimpiku ta’ Pariġi jipprovdi l-opportunità lin-nazzjonijiet fil-gwerra biex jirrispettaw t-tradizzjoni Griega antika u jistabbilixxu tregwa tul il-Logħob.
“Skont it-tradizzjoni antika, jalla l-Olimpjadi jkunu opportunità biex tiġi stabbilita tregwa fil-gwerer, li turi rieda sinċiera għall-paċi,”
Il-Papa Franġisku kien qed jitkellem wara t-talba tal-Angelus fi Pjazza San Pietru. Huwa fakkar li matul dik il-ġimgħa kellu jibda l-Logħob Olimpiku ta’ Pariġi, segwiti mil-Logħob Paralimpiku, u nnota li “L-isport għandu wkoll qawwa soċjali kbira, kapaċi li jgħaqqad b’mod paċifiku nies minn kulturi differenti.” “Nittama li dan l-avveniment jista’ jkun sinjal tad-dinja inklużiva li rridu nibnu u li l-atleti, bix-xhieda sportiva tagħhom, ikunu jistgħu jkunu messaġġiera ta’ paċi u mudelli ta’ valur għaż-żgħażagħ,” qal.
It-tradizzjoni tat-“Tregwa Olimpika” originarjament kellha l-għan li tippermetti l-parteċipazzjoni sigura fil-Logħob Olimpiku tal-qedem għall-atleti u l-ispettaturi kollha mill-ibliet-stati Griegi li kienu kontinwament impenjati f’kunflitt ma’ xulxin. Fis-snin disgħin, il-Kumitat Olimpiku Internazzjonali ddeċieda li jerġa’ jqajjem il-kunċett tat-Tregwa Olimpika bil-ħsieb li jipproteġi l-interessi tal-atleti u tal-isport in-ġenerali, u li jisfrutta l-qawwa tal-isport biex jippromwovi l-paċi, d-djalogu u r-rikonċiljazzjoni b’mod aktar wiesa’.
Bħal dejjem, il-Papa ma naqasx li jitlob għall-paċi. Huwa appella:
“Ejjew ma ninsewx l-Ukarjna martirizzata, l-Palestina, l-Iżrael, il-Myanmar, u ħafna pajjiżi oħra li qegħdin fi gwerra. Ejjew ma ninsewx, li l-gwerra hija telfa!”
Għal aktar tagħrif idħol fuq is-sit: https://www.vaticannews.va/en/pope/news/2024-07/pope-francis-appeal-angelus-olympic-truce-wars-prayers.html