Quddiem il-fraġilità. Niċċelebraw l-Evanġelju tal-ewwel Ħadd tar-Randan

Minn Fr Jimmy Bonnici

Fl-Isem tal-Missier u tal-Iben u tal-Ispirtu s-Santu

Kun miegħi, Mulej, fid-dwejjaq.

1. Niftħu qalbna għall-Kelma t’Alla   

F’dak iż-żmien, Ġesù, mimli bl-Ispirtu s-Santu, raġa’ lura mill-Ġordan u l-Ispirtu ħadu fid-deżert. Hemm għal erbgħin jum Ġesù kien imġarrab mix-Xitan. Matul dawk il-jiem ma kiel xejn; u mbagħad, meta għaddew dawk il-jiem, ħadu l-ġuħ. U x-Xitan qallu: “Jekk inti Bin Alla, għid lil din il-ġebla ssir ħobż”. Wieġbu Ġesù: “Hemm miktub: Il-bniedem mhux bil-ħobż biss jgħix”.

Imbagħad ix-Xitan ħadu fl-għoli u wrieh is-saltniet tad-dinja kollha f’daqqa. Qallu x-Xitan: “Nagħtik is-setgħa fuq dawn kollha, bil-glorja tagħhom ukoll għax hija ngħatat lili, u jiena nagħtiha lil min irrid. Jekk tinxteħet quddiemi tagħtini qima, kollha tiegħek tkun”. Ġesù wieġbu u qallu: “Hemm miktub: Lill-Mulej, Alla tiegħek, tadura, u lilu biss taqdi”.

Imbagħad ix-Xitan ħadu Ġerusalemm, qiegħdu fuq il-quċċata tat-tempju, u qallu: “Jekk inti Bin Alla, inxteħet minn hawn għal isfel. Għax hemm miktub: “Lill-anġli tiegħu jordnalhom biex jieħdu ħsiebek sewwa”, u li: “fuq idejhom jerfgħuk, ħalli ma taħbatx riġlek ma’ xi ġebla”. Wieġeb Ġesù u qallu: “Jingħad: Iġġarrabx lill-Mulej Alla tiegħek”.

Imbagħad ix-Xitan, meta temm dan it-tiġrib kollu, telaq minn ħdejh sa ma wasal il-waqt. (Lq 4:1-13)

2. Riflessjoni/talba: 

i. U x-Xitan qallu: “Jekk inti Bin Alla, għid lil din il-ġebla ssir ħobż”. Wieġbu Ġesù: “Hemm miktub: Il-bniedem mhux bil-ħobż biss jgħix”.

Int għandek dritt!
Int importanti.!
Int kollox.

Iddomina d-dinja
iġbed kollox lejn ħalqek, għas-servizz tiegħek:
ix-xewqat tiegħek biss assoluti.

Il-bniedem mhux bil-ħobż biss jgħix,
imma meta jikkontempla dak li ħareġ minn fomm Alla
meta juri rispett lejn kull ħlieqa, u jħobb fir-realtà.

Irrifletti:

• Fejn mistieden tirrispetta r-realtà għall-dak li hi?

ii. Qallu x-Xitan: “Nagħtik is-setgħa fuq dawn kollha, bil-glorja tagħhom ukoll għax hija ngħatat lili, u jiena nagħtiha lil min irrid. Jekk tinxteħet quddiemi tagħtini qima, kollha tiegħek tkun”. Ġesù wieġbu u qallu: “Hemm miktub: Lill-Mulej, Alla tiegħek, tadura, u lilu biss taqdi”.

Nixtieq il-kontroll

quddiem l-imprevedibbiltà tal-ħajja, il-biża mill-oħrajn:

infittex il-poter, insibni skjav.

Nixtieq li niswa’

quddeim il-fraġilità tiegħi, il-biża li jarmuni:

infittex il-glorja tad-dinja, insibni vojt.

Lil Mulej Allla tiegħek adura

u jimlik bil-glorja tiegħU

u jafdak biex tieħu ħsieb il-ħolqien.

Irrifletti

• Liema ħaġa tagħmlek dipendenti fuqha?

iii. Imbagħad ix-Xitan ħadu Ġerusalemm, qiegħdu fuq il-quċċata tat-tempju, u qallu: “Jekk inti Bin Alla, inxteħet minn hawn għal isfel. Għax hemm miktub: “Lill-anġli tiegħu jordnalhom biex jieħdu ħsiebek sewwa”, u li: “fuq idejhom jerfgħuk, ħalli ma taħbatx riġlek ma’ xi ġebla”. Wieġeb Ġesù u qallu: “Jingħad: Iġġarrabx lill-Mulej Alla tiegħek”.

Tista’ tipprova timmanipula lil Alla

Iġġibu jaqdi l-proġett tiegħek

Għall-fama, biex tirnexxi, biex taħrab mill-eżiġenzi tal-ħajja.

Tista’ tintelaq f’idejH

Iben maħbub tal-Missier

b’fiduċja fiH f’kull pass li tagħmel.

Irrifletti

• Missier f’idejk nintelaq jiena.

3. Missierna