INVOKAZZJONI TA’ ĠWANNI PAWLU II
FI TMIEM IT-TALBA LITURĠIKA TAL-FIDILI
Sala tal-Isvizzeri, Palazz Pontifiċju ta’ Castel Gandolfo
Is-Sibt, 14 ta’ Lulju 1984
Nitolbu għal dawk li f’art twelidna f’dan il-waqt qegħdin ikunu pproċessati.
Nitolbu għall-ħabsin b’mod partikolari għal dawk li jinsabu hemm minħabba l-ideat tagħhom.
Nitolbu sabiex il-priġunieri jiġu meħlusin.
Nitolbu għal art twelidna, sabiex tkun tistà tkun l-vera art twelid il-Pollakki kollha u sabiex ilkoll ikunu jistgħu jgħixu fiha skont it-tradizzjoni nisranija u umanitarja millenarja; sabiex jiġu rrispettati d-drittijiet tal-bniedem d-drittijiet tan-nazzjon, kemm fil-ħajja nterna ras-soċjetà kif ukoll fil-livell tar-rapporti nternazzjonali; sabiex jiġu rrispettati d-drittijiet ta’ nazzjon li tant issielet u tant sofra għad-drittijiet tagħna, li ħallas, bis-sagrifiċċju ta’ miljuni minn uliedu rġiel u nisa, l-eżistenza tiegħu indipendenti; sabiex ikun jistà jgħix fil-paċi u fil-verità, fil-ġstizzja u fl-imħabba.
Miġjub għall-Malti minn Emanuel Zarb