Suor Annie Demerjian tirringrazzja lill-Poplu Malti tal-ospitalità u l-ġenerożità li wera magħha


It-Tlieta 20 ta’ Marzu 2017: Suor Annie Demerjian li kienet mistiedna f’Malta mill-Aid to the Church in Need (Malta), esprimiet ir-ringrazzjament tagħha għall-merħba li rċeviet mingħand il-poplu Malti.

CaptureSuor Annie Demerjian kienet il-kelliema ewlenija matul in-Night of Witness li saret nhar il-Ġimgħa, 16 ta’ Marzu 2018 fil-Knisja tal-Bon Pastur, Ħal Balzan. Hi tat ix-xhieda kommoventi tagħha u l-esperjenzi tagħha fis-Sirja fejn tgħin lil ħafna vittmi Sirjani li tilfu kollox minħabba l-gwerra. Il-gwerra issa tinsab riesqa lejn it-8 sena tagħha. Ħafna minn dawk li attendew offrew donazzjonijiet ġenerużi biex jgħinu lil Suor Annie tkompli twettaq il-ħidma umanitarja tagħha fis-Sirja.

Sr Annie Demerjian.jpgWara li wriet ix-xewqa li tiltaqa’ u ssir taf lill-poplu Malti, Suor Annie kellha l-opportunità żżur xi parroċċi u skejjel matul iż-żjara tagħha f’Malta. Waqt li tkellmet dwar l-esperjenza tagħha f’Malta, qalet li kienet “kommossa bl-akkoljenza u l-ġenerożità tal-poplu Malti.”

Waqt in-Night of Witness Suor Annie Demerjian talbet lill-poplu Malti biex jingħaqad flimkien magħha u jitlob għall-poplu kollu tas-Sirja li jinsab mifni mill-gwerra. Hi kwotat lil San Pawl: “jekk membru jbati, ibatu lkoll miegħu;” (ara 1Kor: 12:26). Hi qalet li dak li qed jiġri fis-Sirja jaffettwa lilna lkoll. Ħeġġet ukoll lill-Poplu Malti sabiex jiftakar fit-talb tiegħu f’ħutu Kristjani, li minbarra li għaddejjin mill-orrur tal-gwerra, sofrew ukoll persekuzzjoni taħt l-ISIS.

Il-bieraħ filgħaxija, Suor Annie Demerjian marret Ruma. Wara li tqatta’ ftit jiem fl-Italja flimkien mal-Kongregazzjoni tagħha, Suor Annie ser terġa’ lura f’Damasku fejn bħalissa hija tinsab bbażata.

Dawk li jixtiequ jgħinu lil Suor Annie Demerjian fil-ħidma tagħha fis-Sirja jistgħu jibgħatu cheque f’envelopp u jindirizzawh lil: “ACN (Malta)” u jiktbu “Appell tas-Sirja” u jindirizzawh lill-ACN (Malta), 39b, Triq l-Imdina, Ħ’Attard, ATD 9038. Tista’ wkoll tagħmel donazzjoni permezz ta’ trasferiment bankarju lil APS Bank, kont nru. 2000 1771 733.

 

Author: laikosblog

Blog tas-Segretarjat għal-Lajċi.

Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.