Il-President Franċiż f’laqgħa mal-Papa


It-Tlieta 26 ta’ Ġunju 2018: Il-President Franċiż Emmanuel Macron, li huwa akkuzat fi Franza li jfixkel il-pedamenti sekulari Franċiżi peress li qiegħed jgħaqqad r-rabtiet mal-Knisja Kattolika, kellu laqgħa twila u kordjali mal-Papa Franġisku llum it-Tlieta.

fr1 macron

Is-sit newsbook.com.mt irrapporta li huma tkellmu għal kważi siegħa fil-librerija uffiċjali tal-Papa, fil-Palazz Apostoliku tal-Vatikan, madwar darbtejn iktar kemm is-soltu jdum il-Papa ma’ kapijiet ta’ stat jew ta’ gvern.

Dikjarazzjoni tal-Vatikan qalet li t-tnejn iddiskutew “il-ħarsien tal-ambjent, il-migrazzjoni u l-impenn multilaterali għall-prevenzjoni u r-riżoluzzjoni tal-konflitti, speċjalment fir-rigward tad-diżarm”.

Huma tkellmu wkoll dwar il-prospetti għar-riżoluzzjoni tal-kunflitti fil-Lvant Nofsani u l-Afrika u l-futur tal-Ewropa.

Rapport mill-Kamra tal-Aħbarijiet ta’ Radju Marija

Author: laikosblog

Blog tas-Segretarjat għal-Lajċi.