JERUSALEMA IKHAYA LAMI!


Min minna ma semax bil-kanzunetta li ħarġet mid-DJ ta’ l-Afrika t’Isfel Master KG Jerusalema? Din il-kanzunetta Gospel li faqgħet il-klassifika tal-Belgium (Ultratop 50 Flanders) u (Ultratop 50 Wallonia) u tal-Isvizzera (Schweizer Hitparade) fl-ewwel post, filwaqt li fil-klassifika taċ-chart performance ta’ Franza (SNEP), tal-Euro Digital Songs (Bilboard), u tal-Italja (FIMI), tal-Ungerija (Single Top 40), tal-Amerika (US World Digital Song Sales) spiċċat it-tieni, it-tielet u r-raba post?

Minbarra l-beat tagħha hu tal-ġenn għax, letteralment, jaqalgħek minn fejn tkun bilqiegħda biex tibda’ tiżfen, il-lirika tagħha hi sempliċi iżda profondissma! Il-kliem ta’ din il-kanzunetta, fil-kuntest globali tal-covid-19, hu talba lill-Mulej biex iħarisna. Il-kelma li iżżerżaqna fil-ħarsien tagħna mill-Mulej hi din il-frażi bl-ilsien Zulu tal-Afrika t’Isfel: Jerusalema ikhaya lami/ Ngilondoloze/ Uhambe name/ Zungangishiyi lana, li b’ilsienna tfisser: Ġerusalemm hi dari, ħarisni, imxi miegħi, tħallinix hawn.

Fi kliem l-interpretu u l-awtriċi tal-lirika Jerusalema, il-kantanta ta’ 26 sena mill-Afrika t’Isfel Nocembo Zikode, tistqarr li din il-kanzunetta kienet iċ-ċavetta tal-konverżjoni tagħha lejn il-Mulej. “Kont fi stat ta’ xokk u biża’. Kont qed naħseb li l-Mulej kien qed jikkastigani għal dnubieti. F’din il-kanzunetta qed nitolbu li jaħfirli u jħarisni”.

Mela, meta tisma’ jew taqra l-aħbarijiet jew fuq il-mezzi tax-xandir, inkella online, li n-numru tal-infezzjonijiet tal-covid-19 qed jissuktaw jisparaw ‘il fuq, minflok ma toqgħod titriegħed u titbeżża, filwaqt li tieħu l-prekawzjonijiet kollha possibli għal saħħtek u għal saħħet l-għeżież tiegħek, tibqax le imkebbeb u imkebba fix-xokk u l-biża tiegħek! Anzi! Agħmel il-qalb! Qum! Imxi! U iżfen! Għax b’hekk il-biża’ titkeċċa ‘il barra!

Kulma għandek tagħmel hu li tidħol YOU TUBE u tikteb: Master KG – Jerusalema [Feat. Nomcebo] (Official Music Video). U hekk kif tagħfas play dritt ibda’ iżfen u itlob dan il-kliem mimli fejqan:

Jerusalema ikhaya lami (Ġerusalemm hi dari)/ Ngilondoloze (Ħarisni)/ Uhambe name (Imxi miegħi)/ Zungangishiyi lana (Tħallinix)/ Jerusalema ikhaya lami (Ġerusalemm hi dari)/ Ngilondoloze (Ħarisni)/ Uhambe name (Imxi miegħi)/ Zungangishiyi lana (Tħallinix hawn)/ Ndawo yami ayikho lana (Posti mhux hawn)/ Mbuso wami awukho lana (Saltnati mhux hawn)/ Ngilondoloze (Ħarisni)/ Zuhambe name (Imxi miegħi)/ Ndawo yami ayikho lana (Posti mhux hawn)/ Mbuso wami awukho lana (Saltnati mhux hawn) Ngilondoloze (Ħarisni).

U mhux Ġerusalemm tas-Sema trid tirranġa u ġġib f’postu l-ġenn li hawn hawn, fuq l-art! Fejn qed naħsbu li aħna għal hawn! U li mmexxu ħajjitna kif jidhrilna u jogħġobna! U tindaħallix għax numbrak! Ħallini ħa ngħaffeġ kemm niflaħ!

Fittex ejja Ġerusalemm tas-Sema! U, jekk jogħġbok, iddumlix!!!! JERUSALEMA IKHAYA LAMI!

Patri Mario Attard OFM Cap

 

Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.