Riċentament, gżira Kolombjana intlaqtet mill-urgani Eta u Iota. Il-Papa tkellem u qal: ‘Nixtieq nesprimi l-qrubija tiegħi lejn in-nies tal-Amerika Ċentrali, milquta minn uragani kiefra. B’mod partiklari niftakar fil-gżira ta’ San Andres fi Providencia u Santa Catalina kif ukoll il-kosta Paċifika tat-tramuntana tal-Kolombja. Nitlob għall-pajjiżi kollha li qed isofru bħala riżultat ta’ dawn id-diżastri’.
Il-Papa huwa familjari mal-problemi tat-territorju tal-gżejjer Kolombjani u stieden lil Efraín Sanmiguel, ġurnalista u attivista mill-komunita’ ta’ Raizal, għal udjenza privata. Fil-preżent, hu qed jistudja fi Franza. Qed jiżviluppa programmi soċjali sabiex ikunu applikati fil-gżejjer ta’ San Andres u Providencia.
Rapport għal-Laikos minn Fr Geoffrey G. Attard