Il-Papa Franġisku qal li qed isegwi bi tħassib l-avvenimenti vjolenti li seħħew f’Bagdad fil-jiem li għaddew. Nhar it-Tnejn faqqgħu protesti u ġlied fil-kapitali tal-Iraq, u li sa Tlieta filgħodu, kienu diġa ħallew mill-inqas 22 persuna mejta u għexieren midruba.
Il-vjolenza qabdet wara li kjeriku Shia influwenti, Muqtada al-Sadr, ħabbar l-irtirar tiegħu mill-politika Iraqina, u wassal biex mijiet ta’ segwaċi rrabjati tiegħu attakkaw il-palazz tal-gvern, u qanqal ġlied mal-forzi tas-sigurtà. L-protesti rrappurtanti naqsu t-Tlieta, wara li Sadr ordna lis-segwaċi tiegħu biex itemmu l-protesti tagħhom fiċ-ċentru ta’ Bagdad.
Waqt li kien qed jindirizza lill-fidili miġbura fis-Sala Pawlu Vi għall-Udjenza Ġenerali ta’ nhar ta’ Erbgħa, l-Papa talab lil Alla, biex jagħti l-paċi lill-poplu Iraqi. L-Papa Franġisku mbagħad fakkar fiż-żjara tiegħu fil-pajjiż is-sena l-oġra, u enfasizza l-esperjenza diretta tiegħu għax-“xewqa kbira għal normalità u koeżistenza paċifika fost il-komunitajiet reliġjużi differenti fl-Iraq”. Il-Papa saħaq ukoll lid-djalogu u l-fraternità huma l-aħjar mod “biex tittratta d-diffikultà attwali” u tasal għall-għan ta’ koeżistenza paċifika.
Għal aktar tagħrif idħol fuq is-sit: https://www.vaticannews.va/en/pope/news/2022-08/pope-francis-protest-iraq-general-audience-appeal-peace.html