Fil-messaġġ tiegħu għall-Jum Dinji tal-Ikel 2023, il-Papa Franġisku jinnota lid-dinja tagħna hija mmarkata minn realtà qawwija, fejn il-faqar u d-disprament qed ikomplu jaħkmu lil ħafna minn ħutna. L-għajta tagħhom ta’ dieqa u disprament, jgħid, għandhom iqajmuna mill-indifferenza tagħna u jqanqluna biex neżaminaw il-kuxjenza tagħna. L-Papa jenfasizza kif il-kundizzjonijiet prevalenti ta’ ġuħ u malnutrizzjoni li jaffettwaw għadd ta’ nies huma r-riżultat ta’ akkumulazzjoni inġusta ta’ inugwaljanzi u inġustizzji, li jħallu lil ħafna fil-ġenb.
Din l-inugwaljanza, ikompli, testendi lil hinn mill-ikel biss, u tilħaqq ir-riżorsi bażiċi kollha, u tagħmel in-nuqqas ta’ aċċessibbiltà tagħhom, li għal ħafna tkisser id-dinjità li Alla nissel fihom. Hija bla dubbju offiża, jgħid, li għandha tgħajjat lill-umanità kollha u tqanqal lill-komunità internazzjonali biex tieħu azzjoni.
Il-Papa Franġisku rrifletta fuq it-tema tal-Jum Dinji tal-Ikel ta’ din is-sena, “L-ilma huwa ħajja, l-ilma huwa ikel. Tħalli lil ħadd lura”, u enfasizza l-valur insostitwibbli ta’ din ir-riżorsa għall-ħlejjaq kollha ħajjin fuq il-pjaneta tagħna. Għalhekk, żid jgħid, qed niffaċċjaw l-urġenza kbira li nippjanaw u nimplimentaw l-immaniġjar tal-ilma bil-għaqal, bir-reqqa u b’mod sostenibbli, li niżguraw li kulħadd ikun jista’ jaċċessa dan ir-riżors vitali biex jilħaq il-bżonnijiet essenzjali tiegħu filwaqt li nsostnu u nippromwovu żvilupp uman xieraq mingħajr ma nħallu lil ħadd warajna.
L-ilma, jkompli l-Qdusija Tiegħu, huwa ħajja għax jassigura s-sopravivenza. Madankollu, din ir-riżorsa bħalissa qed tiffaċċja sfidi sinifikanti kemm f’termini ta’ kwantità kif ukoll ta’ kwalità. F’ħafna partijiet tad-dinja, jgħid, ħutna qed ibatu minn mard jew saħansitra jitilfu ħajjithom minħabba n-nuqqas jew l-iskarsezza ta’ ilma nadif.
L-inxif, ikkawżat mit-tibdil fil-klima, qiegħed jibdel reġjuni kbar f’deżert, u qed jikkawżaw ħsara kbira lill-ekosistemi u lill-popolazzjonijiet. Maniġġjar arbitrarja tar-riżorsi tal-ilma, tgħawwiġ tal-verità, u kontaminazzjoni, jagħmlu ħsara lil-fqir u jikkostitwixxu inġustizzja tal-mistħija li ma nistgħux ninjoraw. Minflok, irridu nirrikonoxxu b’mod urġenti li “l-aċċess għal ilma nadif u tajjeb għax-xorb huwa dritt uman essenjzali, fundamentali u universali, għax minnu jiddependi l-għajxien tan-nies, u għalhekk hu kundizzjoni għat-tħaddim ta’ drittijiet umani l-oħra” (Laudato sí No.30). L-ilma, jtenni l-Papa Franġisku, m’għandu qatt jitqies bħala sempliċi li jinxtara, oġġett ta’ skambju jew spekulazzjoni.
Il-Papa jkompli jirrifletti fuq il-fatt li l-ilma huwa ikel għax huwa vitali biex tinkiseb is-sigurtà tal-ikel, li jservi bħala mezz ta’ produzzjoni u komponent indispensabbli għall-agrikoltura. Jgħid ukoll, li l-programmi effettivi, huma meħtieġa biex jipprevjenu t-telf tal-pajpijiet agrikoli tat-tisqija, jużaw pestiċiduji u fertilizzanti organiċi li ma jikkontaminawx l-ilma, u jappoġġaw miżuri li jissalvagwardjaw id-disponibbiltà tar-riżorsi tal-ilma biex jippervjenu li l-iskarsezza akuta ssir kawża ta’ kunflitt bejn il-komunitajiet, popli, u nazzjonijiet.
Il-Kap tal-Knisja Kattolika jappella għall-użu tax-xjenza, l-innovazzjoni teknoloġika, u t-teknoloġija diġitali biex jinkiseb bilanċ sostenibbli bejn il-konsum u r-riżorsi disponibbli, filwaqt li jiġu evitati impatti negattivi fuq l-ekosistemi u ħsara rriversibbli lill-ambjent. Il-Papa jappella wkoll lill-organizzazzjonijiet internazzjonali, lill-gvernijiet u lis-soċjetà ċivili biex jingħaqdu flimkien u jiġġeneraw ideat biex l-ilma jsir wirt komuni, iqassmuh b’mod aktar ekwu, u jamministrawh b’mod sostenibbli u razzjonali.
Iċ-ċelebrazzjoni tal-Jum Dinji tal-Ikel, temm jgħid il-Papa Franġisku, għandha sservi bħala tfakkira li l-kultura tal-iskart trid tiġi miġġielda b’kooperazzjoni responsabbli u leali minn kulħadd. Huwa jinnota lid-dinja tagħna hija interkonnessa wisq biex taffordja li tinqasam fi blokki ta’ pajjiżi li jsegwu l-interessi egoisti u preġudikati. Minflok, aħna msejħin biex naħsbu u naġixxu bħala komunità globali, li nenfasizzaw is-solidarjetà u nipprijoritizzaw il-ħajja ta’ kulħadd fuq l-egojiżmu tal-ftit.
Għal aktar tagħrif idħol fuq is-sit: https://www.vaticannews.va/en/pope/news/2023-10/world-food-day-pope-message-fao-water-solidarity.html