Filwaqt li qabbel ix-xogħol tar-retturi tas-Seminarji ma’ dak ta’ Eli, l-qassis anzjan fil-Bibbja, li mexxa liż-żagħżugħ Samwel biex iwieġeb għas-sejħa ta’ Alla, l-Papa Franġisku nhar is-Sibt qal lir-Retturi Franċiżi tas-seminarji li għandhom iservu ta’ preżenza sigura u kumpass għas-seminaristi.
Huwa enfasizza l-importanza ta’ komunità edukattiva koeżiva li tinvolvi isqfijiet, qassisin, reliġjużi, professuri, u persunal; u nnota li din il-komunità testendi lil hinn mis-seminarju, li tinkorpora parroċċi, movimenti u familji. “L-formazzjoni trid tmiss id-dimensjonijiet kollha tal-persuna u torjentahom lejn il-missjoni,” qal.
Il-Papa Franġisku qal li huwa biss billi jitrawwem f’ambjent familjari, kkaratterizzat minn paternità u fraternità; u li din “tista’ tiżviluppa f’fiduċja reċiproka, essenzjali għal dixxerniment effettiv.” Is-seminajri, żied jgħid, għandhom ikunu spazji fejn is-seminaristi jistgħu jkunu awtentiċi fihom infushom, ħielsa minn ġudizzju arbitrarju.
Il-Papa sostna d-diversità tal-kandidati li jidħlu fis-seminarji llum, li jvarjaw minn etajiet, sfondi kulturali u esperjenza spiritwali differenti. “Tibżgħux mid-diversità,” ħeġġiġhom, u ddeskrivieha bħala rigal. U rrimarka l-ħtieġa ta’ akkumpanjament personali u mogħdijiet individwalizzati, qal, “l-edukazzjoni biex tilqa’ lill-oħrajn tiggarantixxi presbiterat li jkun fratern u magħqud fl-essenzjali.”
Il-Papa Franġisku mbagħad iddeskriva tliet prijoritajiet għall-formazzjoni saċerdotali: Libertà interjuri li tippermetti lill-kandidari jiżviluppaw il-ħila li jiġġudikaw u jiddeċiedu b’mod indipendenti, mdawl mill-fidi u l-karità. L-maturità umana, meħtieġa bħala protezzjoni kontra riġidità eċċessiva jew żbilanċ emozzjonali, u paċenzja. Orjentazzjoni missjunarja, li tipprovdi l-fokus it-tajjeb għas-saċerdozju, li jinvolvi l-għotja personali u l-umiltà, ċċentrata fuq Kristu u s-servizz lill-poplu ta’ Alla.
“Tħallux l-imħabba għal Alla u l-Knisja ssir skuża għall-promozzjoni personali,” wissa, u żied il-Papa Franġisku: “Meta ssib ekkleżjastiku li jġib ruħu bħal pagun, mhux tajjeb.”
Għal aktar tagħrif idħol fuq is-sit: https://www.vaticannews.va/en/pope/news/2025-01/pope-audience-french-seminary-rectors-formation-diversity.html