ILĦNA MINN KULĦADD
Ittra Appostolika tal-Papa Ġwanni XXIII
Għall-protezzjoni ta’ San Ġużepp fuq-Konċilju Vatikan II
19 ta’ Marzu 1961
Ilħna minn kull rokna tad-dinja, mimlijin ferħ u tama għas-suċċess tal-Konċilju Ekumeniku Vatikan II, jaslulna kontinwament u jqajmu fina dejjem iżjed ix-xewqa li nieħdu vantaġġ mid-disponibbiltà ta’ tant qlub sempliċi u sinċiera li jduru b’fiduċja lejn l-għajnuna tas-sema.
Dawn qed jitolbu li tikber il-ħeġġa reliġjuża u dawl aktar ċar dwar dak kollu li l-konċilju jeħtieġ fil-preparazzjoni tiegħu u dwar il-frott li għandu jġib: tiġdid fil-ħajja interna tal-Knisja u tiġdid spiritwali u soċjali fid-dinja kollha.
Għalhekk, f’dan iż-żmien li fih qed joqrob il-Għid u fil-bidu ta’ rebbiegħa ġdida, niltaqgħu mal-figura ħelwa u nobbli ta’ San Ġużepp, ir-raġel ta’ Marija u l-għassies fidil tal-Familja Mqaddsa.
Lilu, b’fiduċja kbira, irridu nafdaw il-Konċilju Ekumeniku Vatikan II, sabiex bil-protezzjoni tiegħu jkun imħares u mmexxi lejn frott abbundanti għall-Knisja u għall-umanità kollha.
TALBA
San Ġużepp, kun inti dejjem il-protettur tagħna.
Jalla l-ispirtu tiegħek ta’ paċi, ta’ silenzju, ta’ ħidma tajba u ta’ talb għall-Knisja qaddisa jkun ta’ ispirazzjoni għalina u jġibilna ferħ, flimkien ma’ Marija, l-Omm ħelwa u immakulata tagħna, u ma’ Ġesù, is-Sultan glorjuż taż-żminijiet kollha.
Ammen.