Minn Daniel Borg
Fir-rakkont tal-Passjoni li nisimgħu llum f’Ħadd il-Palm toħroġ biċ-ċar il-vjolenza u x-xewqa tagħha minn dawk li riedu jeqirdu lil Ġesù. Imma f’ nofshom Ġesù jispikka bħala r-re tal-Paċi. Il-Papa fiċ-ċelebrazzjoni tal-lum jgħidilna li Alla qatt ma jiġġustifika l-gwerra. Meta nħarsu lejh imsallab naraw is-slaleb tal-umanità. Meta naraw il-pjagi tiegħu naraw il-feriti tan-nies tal-lum. Fl-aħħar għajta tiegħu lejn il-Missier nisimgħu l-għajta ta’ min hu miġruħ u bla tama, ta’ min hu marid, u ta’ min qed iħossu waħdu. Imma fuq kollox l-Papa jgħidilna nisimgħu l-għajta ta’ dawk kollha li huma taħt il-madmad tal-gwerra u tal-vjolenza. U għalhekk il-Papa llum reġa’ għamel appell imqanqal u talba għall-paċi.
Tista’ tara wkoll dan il-ħsieb fuq din il-ħolqa ta’ facebook: https://www.facebook.com/share/r/1Ck5Qo9vkb/