Nitolbu għal stil ta’ ħajja sempliċi u favur ambjent sostenibbli

Print Friendly, PDF & Email

Il-Fehma tal-Papa għal Settembru 2021: Stil ta’ ħajja li jżomm l-ambjent sostenibbli

Matul ix-xahar ta’ Settembru 2021, il-Papa Franġisku jistieden lill-bnedmin ta’ rieda tajba sabiex ningħaqdu flimkien u nitolbu sabiex ilkoll kemm aħna nagħmlu għażliet kuraġġużi għal stil ta’ ħajja sempliċi u favur ambjent sostenibbli, filwaqt li nifirħu biż-żgħażagħ tagħna li qed jimpenjaw ruħhom b’mod determinat favur l-ambjent.

“Qalbi timtela bil-ferħ x’ħin nara  kemm żgħażagħ  jidħlu b’kuraġġ għal proġetti li jtejbu l-ambjent naturali u soċjali għax it-tnejn imorru flimkien.

Aħna l-kbar għandna ħafna x’nitgħallmu minnhom għax, f’dak kollu li għandu x’jaqsam mal-għożża tad-dinja tagħna, iż-żgħażagħ tagħna huma minn ta’ quddiem.

Ejjew nieħdu vantaġġ mill-eżempju tagħhom u nirriflettu fuq l-istil ta’ ħajjitna, l-aktar f’dawn iż-żminijiet ta’ kriżi tas-saħħa u tal-kundizzjonijiet soċjali u ambjentali.

Ejjew nirriflettu dwar dak li nieklu u nonfqu, il-vjaġġi li nagħmlu, il-mod ta’ kif nużaw l-ilma, l-enerġija, il-plastik u l-ħwejjeġ l-oħra materjali, li spiss qed ikunu ta’ ħsara għad-dinja tagħna.

Ejjew nagħżlu li nibdlu. Ejjew nimxu ‘l quddiem maż-żgħażagħ lejn stili ta’ ħajja aktar sempliċi u jkollna rispett akbar lejn l-ambjent.

Nitolbu biex ilkoll nagħmlu għażliet kuraġġużi għal stil ta’ ħajja sempliċi u favur ambjent sostenibbli, ispirati miż-żgħażagħ tagħna li ntefgħu b’ruħhom u ġisimhom favur din il-kawża. M’humiex boloh għax b’hekk qed jimpenjaw ruħhom għall-futur tagħhom. Jafu li hemm bżonn ibiddlu l-wirt li se jkollhom fiż-żmien li ġej meta aħna ma nkunux hawn.

Ara aktar dettalji mil-links ta’ hawn taħt:

Sfidi ta’ Żminijietna fit-Talb

Current Issues in Prayer

Adorazzjoni skont il-Fehma tal-Papa

Poster bil-Malti

Poster in English

Messaġġ tal-Papa għal Settembru 2021 bla sotto-titoli

Aktar mill-Papa Franġisku

L-Enċiklika tal-Papa Franġisku fuq id-dar komuni tagħna …

Il-Fehma tal-Papa għal kull xahar …

Infejqu d-dinja. Sensiela ta’ 9 katekeżi …

Author: Joe Farrugia

Segretarjat għal-Lajċi.