Il-Papa Franġisku dwar it-twelid …
Jekk jitwieldu ftit ikun ifisser li ftit hemm tama. U dan m’għandux konsegwenzi biss mill-aspett ekonomiku u soċjali, imma jdgħajjef it-tama fil-ġejjieni.
… Ara d-diskors kollu tal-Papa Franġisku …
Sfortunatament dan jikkundizzjona l-mentalità tal-ġenerazzjonijiet żgħażagħ, li jikbru fl-inċertezza, jekk mhux ukoll fid-diżillużjoni jew il-biża’. Qed jgħixu fi klima soċjali li fiha li tkabbar familja sar sforz titaniku, minflok valur li kulħadd għandu jagħraf u jsostni u jkun sehem minnu.
… Ara d-diskors kollu tal-Papa Franġisku …
Forsi bejn gwerer, pandemiji, ċaqliq tal-mases u kriżijiet tal-klima, qatt daqs illum il-ġejjieni ma kien jidher daqstant inċert. Ħbieb, huwa inċert; mhux biss jidher, huwa inċert. Kollox għaddej riħ u madankollu ċ-ċertezzi miksuba jtiru mar-riħ. Infatti l-għaġla li mdawrin biha żżid il-fraġilità li nġorru ġewwa fina. U f’dal-kuntest ta’ inċertezza u fraġilità, il-ġenerazzjonijiet iż-żgħażagħ iġarrbu aktar minn kulħadd is-sensazzjoni tal-prekarjetà, u minħabba f’hekk għada jidher muntanja impossibbli tixxabbat magħha.