Kappillan ġdid fil-Parroċċa ta’ San Sebastjan, Ħal Qormi – Dun Ewkarist Zammit

Print Friendly, PDF & Email

L-Arċisqof Charles J. Scicluna ħatar lil Dun Ewkarist Zammit bħala l-Kappillan tal-Parroċċa ta’ San Sebastjan, Ħal Qormi.  Dun Ewkarist Zammit twieled is-Siġġiewi fit-23 ta’ Lulju 1980.

13-dun-ewkarist-zammit.jpgIrċieva l-edukazzjoni tiegħu fil-Kulleġġ Santu Wistin, Pietà. Kompla l-istudji terzjarji fil-Fakultà tat-Teoloġija (Filosofija u Teoloġija) fl-Università ta’ Malta fejn kiseb ukoll Masters fl-Istudji Pastorali. Ġie ordnat saċerdot fit-3 ta’ Lulju 2008.

Dun Ewkarist serva bħala viċi arċipriet fil-Parroċċa ta’ San Ġorġ, Ħal Qormi, u fl-2011 inħatar kappillan u mbagħad arċipriet tal-Parroċċa ta’ Ħad-Dingli.

Il-Parroċċa ta’ San Sebastjan tiġbor fiha madwar 9,800 persuna f’2,740 familja.

Nawguraw mill-qalb lil Dun Ewkarist fil-missjoni fdata lilu fil-parroċċa l-ġdida u nwegħduh it-talb tagħna.

Author: Joe Farrugia

Segretarjat għal-Lajċi.

One thought on “Kappillan ġdid fil-Parroċċa ta’ San Sebastjan, Ħal Qormi – Dun Ewkarist Zammit”

Leave a Reply