Ix-xemx u s-sħana ġieli jħajjru kemm Maltin kif ukoll turisti biex jidħlu x’imkien għall-kenn. Knisja jew kappella hi ideali għal dan. U ħadd ma jgħidlek: “Għalfejn dħalt hawn?”
Fil-knisja tieħu servizz ‘gratis et amoris’, għajr xi ftit ċenteżmi. Issib fejn toqgħod komdu bil-qiegħda, f’xi knejjes ukoll b’arja kundizzjonata. Għal xi parir siewi waqt il-Qrar ma tħallas xejn, lanqas għall-kor tal-kant ta’ livell għoli u għall-mużika tal-orkestra.Dak li mhux sew fil-Knisja għandna dritt ngħidu li hu hekk, u naħdmu biex l-affarijiet imorru aħjar. Imma rridu wkoll nirrikonoxxu l-pożittiv, li hu ħafna. B’attitudni bħal din, nindunaw li qed inkunu iktar kuntenti.
Kitba ta’ Joe Galea