Il-Papa Franġisku jħeġġeġ ir-responsabbiltà għad-dar komuni tagħna
Hekk kif it-Tnejn 22 ta’ April, id-dinja fakkret ‘Jum id-Dinja’, l-Papa Franġisku tenna t-talba urġenti tiegħu għal azzjoni kuraġġuża biex inħarsu d-dar komuni tagħna u għall-paċi fid-dinja. Dan il-jum, ġie stabbilit fl-1970 biex iqajjem kuxjenza dwar l-isfidi ambjentali kritiċi li qed tiffaċċja l-pjaneta tagħna, u biex timmobilizza l-isforzi biex tindirizzahom.
Din l-osservanza tipprovdi opportunità għal individwi, komunitajiet, organizzazzjonijiet u gvernijiet biex jingħaqdu flimkien u jidħlu f’attivitajiet biex isewwu u jfejqu l-ekosistemi, jiġġieldu t-tibdil fil-klima, u jippreservaw il-bijodiversità sabiex jippreservaw id-dinja għall-ġenerazzjonijiet futuri.
F’post fuq il-pjattaforma tal-midja soċjali X (li qabel kienet magħrufa bħala Twitter), il-Papa Franġisku nnota li l-ġenerazzjoni tiegħu ħalliet ħafna għana monetarja lill-ġenerazzjonijiet ta’ wara, iżda ftit għamlet biex tipproteġi l-pjaneta. Huwaa kkummenta wkoll dwar ir-rabta bejn il-problemi ambjentali attwali u l-ħafna kunflitti li qed jinqalgħu madwar id-dinja.
Il-ġenerazzjoni tagħna ħalliet ħafna għana, imma nqasna mili nipproteġu l-pjaneta u mhux qed nissalvagwerdjaw il-paċi. Aħna msejħin biex insiru artiġjani u dawk li jieħdu ħsieb id-dar komuni tagħna, d-Dinja li qed “taqa’ f’rovina”. #Jum id-Dinja
Fil-post, l-Papa għamel eku ta’ kliemu fl-Enċiklika Laudato si’ tal-2015 dwar il-kura tad-dar komuni tagħna u s-sejħa tagħha biex individwi, komunitajiet u gvernijiet jieħdu ħsieb in-natura.
Kull sena, Jum id-Dinja, jkollha tema speċifika biex tiġbed l-attenzjoni globali fuq kwistjonijiet ambjentali urġenti. Taħt it-tema “Dinja vs Plastic”, din l-54 edizzjoni tiffoka fuq it-tniġġiż tal-plastik u fuq il-ħtieġa urġenti li jitnaqqas l-użu u l-produzzjoni tiegħu. Lil hinn mill-implikazzjonijiet ambjentali tagħha, l-proliferazzjoni tal-plastik toħloq theddida sinifikanti għas-saħħa tal-bniedem, simili għall-isfidi maħluqa mit-tibdil fil-klima.
Il-bnedmin jipproduċu aktar minn 400 miljun tunnellata metrika ta’ plastic kull sena, li huwa bejn wieħed u ieħor il-piż tal-bnedmin kollha fuq il-pjaneta. 9% biss jiġu reċiklati, u madwar 22% tal-iskart tal-plastic madwar id-dinja jew ma jinġabarx, jew jintrema ħażin, jew jispiċċa bħala skart.
Hekk kif il-plastik jiddegrada f’mikroplastiks, jirrilaxxa kimiċi tossiċi fl-ekosistemi, jikkontamina l-oċeani (fejn jispiċċaw aktar minn miljun tunnellata metrika kull sena), sorsi ta’ ikel u ilma, u jipperikolaw kull forma ta’ ħajja.
Il-kampanja ta’ din is-sena, għalhekk, tipprijoritizza t-tixrid ta’ kuxjenza dwar dawn l-effetti detrimentali. Qed tappella għal aktar riċerka dwar l-implikazzjonijiet tas-saħħa tal-esponiment tal-plastik u jippromwovi t-trasparenza fil-qsim tas-sejbiet mal-pubbliku. L-għan immedjat tal-kampanja huwa li sal-2030, jiġi eliminat malajr il-plastik li jintuża darba, u li jiddaħħal dan l-impenn fit-Trattat tan-Nazzjonijiet Uniti dwar it-Tniġġis tal-Plastik sal-2024, filwaqt li tiġi żgurata kooperazzjoni globali biex tiġi ndirizzata din il-kwistjoni urġenti.
L-għan fit-tul huwa li sal-2040, jinkiseb tnaqqis ta’ 60% fil-produzzjoni tal-plastik sabiex tiġi salvagwardjata kemm is-saħħa tal-bniedem kif ukoll dik ambjentali. Għal dan il-għan il-kampanja, tenfasizza wkoll l-importanza li jsir investiment f’teknoloġija u materjali innovattivi biex titwitta t-triq għal dinja ħielsa mill-plastik.
Għal aktar tagħrif idħol fuq is-sit: https://www.vaticannews.va/en/pope/news/2024-04/on-earth-day-pope-urges-responsibility-for-our-common-home.html