V … B’qalb ta’ wlied inressqu b’fiduċja dak li hemm fil-qalb tagħna lil Missier tas-sema.
1. Żomm lill-Knisja taħt il-ħarsien tiegħek hija u tħeġġiġna biex ma naqtgħux qalbna f’mixjietna lejk. Nitolbu
2. Imla bil-qawwa tal-Ispirtu tiegħek lil dawk li għandhom is-setgħa jmexxu, biex inisslu f’kulħadd tama għall-ġejjieni aħjar. Nitolbu
3. Agħti l-kuraġġ lil min jaqta’ qalbu jagħmel il-ġid, biex b’rieda sħiħa jibqa’ jaħdem id f’id miegħek. Nitolbu
4. Nissel fina l-għerf tiegħek biex nagħrfu nagħżlu għalina u għall-proxxmu tagħna il-ġid li tridilna inti. Nitolbu
V … Missier, dawn huma x-xewqat tagħna. Nitolbuk tilqagħhom u tagħtina kull ma hu ta’ ġid għalina. Bi Kristu Sidna.