Seba’ mumenti ma’ Ommna Marija fit-tbatijiet tagħha ma’ Binha Ġesù.
Il-Via Matris hija devozzjoni Nisranija li tħares lejn it-tbatijiet tal-Verġni Marija matul il-ħajja u l-passjoni ta’ Binha, Ġesù Kristu. Din il-prattika spiritwali hija simili għall-Via Crucis, iżda filwaqt li l-Via Crucis tiffoka fuq it-tbatija ta’ Kristu, il-Via Matris tikkontempla l-uġigħ u l-fidi ta’ Marija bħala Omm li tissieħeb fit-tbatija ta’ Binha.
Din id-devozzjoni bdiet tiżviluppa fis-seklu sittax u aktar tard ġiet approvata mill-Knisja. Il-Via Matris hija maqsuma f’seba’ stazzjonijiet, li jfakkru s-seba’ duluri ewlenin tal-Madonna matul il-mixja ta’ ħajjitha ma’ Ġesù.
Is-seba’ stazzjonijiet huma …
- Il-profezija ta’ Xmun dwar Ġesù.
- Il-ħarba tal-Familja Mqaddsa lejn l-Eġittu.
- It-telfa ta’ Ġesù fit-tempju meta kien għadu tifel.
- Il-laqgħa ta’ Marija ma’ Ġesù fit-triq lejn il-Kalvarju.
- Marija taħt is-salib ta’ Binha.
- Marija tilqa’ lil Ġesù meta jitniżżel mis-salib.
- Id-difna ta’ Ġesù.
Permezz tal-Via Matris, il-fidili huma mistiedna jimmeditaw fuq il-misteru tat-tbatija u jifhmu aħjar kif Marija baqgħet fidila u mimlija tama anke f’mumenti ta’ uġigħ kbir. Din id-devozzjoni tgħin lill-Insara jersqu aktar lejn Kristu u jitgħallmu minn Marija kif jiffaċċjaw it-tbatijiet tal-ħajja bil-fidi u bil-kuraġġ.
Mil-links ta’ hawn taħt tista’ ssib verżjonijiet differenti tal-Via Matris …
Via Matris. Tifkira devozzjonali tal-Imqaddsa Verġni Marija tad-Duluri.
Via Matris. Produzzoni tas-Santwarju Ta’ Pinu. Kitba ta’ Dun Samuel Grech. 2021.