Minn Patri Juan De Bono ocd
Siġġijiet bl-isem fuqhom fl-iskejjel tal-kindergarden
Darba minnhom kont fi skola primarja u kelli nqaddsilhom quddiesa, u nnutajt li s-siġġijiet tat-tfal tal-kindergarden kellhom kull siġġu l-ismijiet fuqhom tat-tifel jew tat-tifla tal-klassi.
Din kienet l-ewwel darba li rajt xi ħaġa hekk, u għalhekk staqsejt x’kienu dawk l-ismijiet, u qaluli li biex ma jkollhomx xi jgħidu u kullħadd isib postu, kull tifel u tifla jkollhom ismijiethom fuq is-siġġu tagħhom.
Is-salvazjoni ta’ ruħna mhix musical chairs
U meta rajt dan ftakart li anki aħna GĦANDNA SIĠĠU B’ISIMNA FUQU FIL-ĠENNA.
L-aħwa l-ħajja, u speċjalment is-salvazjoni ta’ ruħna, MHIX MUSICAL CHAIRS.
Le l-aħwa, d-dinja ġġagħllna naħsbu li għal kull għatba hawn mitt kelb. Le pls, il-mument li fih tnissilna, jiġifieri fil-mument li ommok u missierek lanqas biss kienu għadhom jafu li int tnissilt, Alla l-Misser ikun ġa ordna għalik siġġu u fuqu stampa b’marka li ma titħassar qatt u b’xejn, ismek u l-id no uniku tiegħek.
Siġġu għalina fis-Sema
DAK IS-SIĠĠU JINSAB HEMM FIL-ĠENNA JISTENNIEK.
JIDDEPENDI MINNEK ISSA DAK IS-SIĠĠU TĦALLIHX VOJT JEW INKELLA TOQGĦODX BILQIEGĦDHA FUQU INT META TMUT.
Ġesu qiegħed igħidlna ċar u tond illum: “Tħallux qalbkom titħawwad! Emmnu f’Alla, u emmnu fija wkoll. Fid-dar ta’ Missieri hemm ħafna postijiet. Li ma kienx hekk, kont ngħidilkom: ‘Sejjer inħejjilkom fejn toqogħdu?’”.
Ohh x’konsolazjoni li nkunu nafu li nistgħu nieħduha easy l-ħajja għax il-mument li aħna mmutu se nsibu dan il-post imħejja għalina fis-Sema.
Alla l-Imbierek dak li jwiegħed iżommu
Kemm niġu mwiegħa affarijiet aħna l-bnedmin, b’danakollu lkoll nafu kemm ħafna drabi dak li jitwiegħed lilna lanqas biss jista’ jitwettaq, aħseb u ara kemm se eventwalment jitwettaq, għax kif igħidu t-Taljani, ‘tra il dire ed il fare c’è di mezzo il mare’.
Imma Ġesu’ mhux hekk tafx !!!!!!!!!!!!!!!!!
Il-kelma tiegħu iżżomha:
Qabel tela’ s-Sema huwa wiegħdna ‘JIENA MAGĦKOM DEJJEM SAL-AĦĦAR TAŻ-ŻMIEN’.
Wiegħdna wkoll li ‘FID-DAR TA’ MISSIERI HEMM ĦAFNA POSTIJIET’.
U allura għala tħalli l-ħwejjeġ tal-ħajja ta’ kulljum jinkwetawk ?
HUWA JINSAB MAGĦNA DEJJEM u nafu wkoll li l-mument li l-ħajja tagħna fuq din l-art tintemm, hemm POST IMĦEJJI GĦALINA FIS-SEMA.
U allura x’irridu aktar ?