Sommarju tat-Tieni Jum tal-Assemblea Djoċesana

It-tieni lejla tal-Assemblea Djoċesana bdiet b’riflessjoni minn Rev. Prof. Stefan Attard fuq is-silta tal-laqgħa ta’ Ġesù Rxoxt ma’ Marija ta’ Magdala (Ġw 20, 11-18). Il-Prof. Attard tenna li bħal Marija li tfittex lil Ġesù, aħna lkoll imsejħin nistaqsu lilna nfusna fejn qiegħed Ġesù fil-missjonijiet rispettivi tagħna.Mhux Ii kien li, bħalha, ninqalgħu mir-ritwali tal-qabar biex niltaqgħu verament ma’ Kristu ħaj u nħalluh ibiddilna.”

Il-lejla kompliet b’intervent minn panel kompost minn 3 kelliema: Mons. André Zaffarese (Vigarju Episkopali għall-Kordinament Pastorali), Rev. Jesmond Schembri (Direttur tal-Kummissjoni Migranti), u Jackie Mallia (Moderatriċi tal-KPP mill-parroċċa tal-Iklin).

Flimkien irrispondew id-domandi li staqsew il-parteċipanti lbieraħ. Fost it-temi ċentrali, ġew diskussi l-ħidmiet kollaborattivi bejn parroċċi, il-familja f’kuntest soċjali li dejjem jinbidel, integrazzjoni iktar sħiħa mal-barranin fil-komunitajiet tagħna, il-bżonn dejjiemi ta’ formazzjoni, u l-involviment iktar attiv tat-tfal u ż-żgħażagħ.

L-Arċisqof ta’ Malta Mons. Charles Scicluna indirizza ukoll l-udjenza fl-għeluq tal-Assemblea Djoċesana ta’ din is-sena. Sostna li l-pedament veru ta’ kull inizjattiva għandha tkun ir-relazzjoni ta’ kull wieħed u waħda minna ma’ Ġesù. Qabel il-missjoni, hemm mistoqsija iktar fundamentali: ‘Tħobbni int?’ li jistaqsihielna Kristu. Il-Knisja tiġġenera lilha nfisha meta tinnamra mal-Mulej. Ejjew ma nkunux aħna li nsaħħu l-aljenazzjoni. Ejjew qabel kollox inkunu ta’ Ġesù.

Quddiem l-isfidi ta’ migrazzjoni, l-Arċisqof tenna li lkoll għandna d-dover nitrattaw lil kulħadd ta’ nies. Mhux li kien li l-poplu tagħna jiftakar f’vers mit-22 kapitlu tal-Eżodu li jgħid “La taħqarx il-barrani, u la tgħakksux, għax intom ukoll kontu barranin”. Din hi tassew sejħa propizja għall-kuntest Malti llum b’tama li jiftakar l-istorja tiegħu stess f’art barranija.

Fl-10 anniversarju ta’ Amoris Laetitia, l-Arċisqof ħeġġeġ l-għożża tal-familja li, f’dinja mmarkata minn dak li hu artifiċjali, hija mill-ġdid strument tal-laqgħa tal-umana mal-Mulej, il-milja tal-imħabba tagħna lkoll.

Huwa saħaq ukoll dwar l-Importanza li fiċ-ċelebrazzjonijiet tagħna infittxu dak li jogħġob lil Ġesù u nservu lilu biss u mhux il-firda, għaliex dik mhijiex wirt dinji tal-umanità. Tenna ukoll dwar l-importanza li nitolbu għal aktar vokazzjonijiet saċerdotali, reliġjużi u anke għall-ħajja ta’ żwieġ Huwa fakkar dwar kif ir-rabta taż-żwieġ bejn raġel u mara għadha twassal lejn l-qdusija u saħaq dwar l-importanza għal ftuħ għall-ħajja fiż-żwieġ, f’soċjetà fejn id-demografika hija waħda baxxa ħafna. L-Arċisqof qal li għandna nkunu grati li fl-istess waqt pajjiżna jogħożż lit-tarbija fil-ġuf quddiem il-kultura tal-Abort li ġġib il-mewt. Fl-aħħar nett, fakkar ukoll li Alla ma jagħżilx lil min hu perfett biex jimxi warajh iżda jistedinna biex ta’ kuljum nersqu dejjem iżjed qrib tiegħu boex ikompli jibdilna.

Inti x'taħseb dwar dan is-suġġett?