Flimkien ma’ eluf ta’ persuni li bla heda jinsabu fl-ewwel linji tal-pandemija Covid-19, hemm il-kappillani tal-isptarijiet, li qed jipprovdu kura spiritwali għall-pazjenti u għall-istaff. Ħafna kienu s-saċerdoti li talbu minn jeddhom biex ikunu kappillani fl-isptarijiet temporanji li nbnew jew ġew attrezzati minħabba ż-żieda ta’ morda bil-pandemija.
Wieħed minn dawn hu Fr John Waters, mill-Arċidjoċesi ta’ Birmingham, fl-Ingilterra. Se jkun ibbażat fin-Nightingale Hospital, li fih 5000 sodda u qiegħed fin-National Exhibition Centre tal-belt. Fr John, li ilu biss sena Saċerdot, qal li għażel din il-vokazzjoni biex ikun jista’ jakkumpanja lin-nies f’kull sitwazzjoni li jista’ jkollhhom. Għalhekk li applika b’entużjażmu għal din il-ħidma.
Rapport għal-Laikos minn Joe Galea