Il-Vatikan jiżvela l-immaġni uffiċjali għall-għaxar Laqgħa Dinjija tal-Familji
“L-imħabba sagramentali bejn raġel u mara hija riflessjoni tal-imħabba li ma tinħallx u l-għaqda bejn Kristu u l-Knisja: Ġesù jixħet demmu għaliha.” Din hija t-tifsira wara l-immaġni uffiċjali tal-Għaxar Laqgħa Dinjija tal-Familji.
Ix-xogħol, intitolat, “Dan il-Misteru huwa Kbir” (meħud mill-ittra ta’ San Pawl lill-Efesin, 5:32), kien miżbugħ mit-teologu u artist Patri Marko Ivan Rupnik, SJ ,.
L-immaġni turi t-Tieġ f’Kana, bl-għarusa fl-isfond fuq ix-xellug, mgħottija b’velu. Ġesù u Marija jidhru magħqudin, fil-mument meta Marija tgħid lil Binha, “Ma għandhomx iktar inbid.” Fit-tagħrif miksub hemm l-amministratur, bil-wiċċ ta’ San Pawl kif jidher fl-ikonografija klassika. Huwa San Pawl “li jneħħi l-velu b’idu, u jirreferi għat-tieġ, “Dan il-misteru huwa kbir; imma nitkellem b’referenza għal Kristu u l-Knisja!”
Il-pittura ta’ Patri Rupnik hija t-tielet simbolu uffiċjali li ġie ppubblikat; flimkien mat-talb u l-logo uffiċjali, jservi bħala għodda pastorali għat-tħejjija u l-vjaġġ tal-familji lejn il-Laqgħa Dinjija tal-2022. L-avveniment qed jiġi organizzat mid-Dikasterju tal-Vatikan għal-Lajċi, Familja u Ħajja flimkien mad-Djoċesi ta’ Ruma u se jsir fis-sitt anniversarju tal-enċiklika Amoris laetitia u erba’ snin wara l-pubblikazzjoni tal-Eżortazzjoni Appostolika Gaudete et exsultate.
L-għaxar Laqgħa Dinjija tal-Familji ssegwi formula bla preċedent, billi tiġi ppreżentata bħala dimensjoni “multiċentrata u mifruxa”. Ruma se tkun il-post ewlieni, iżda fil-ġranet tal-avveniment dinji tal-Knisja, kull djoċesi tkun tista’ tippromwovi laqgħa lokali għall-familji u l-komunitajiet tagħha stess. Kull familja fid-dinja tista’ tkun protagonista.
Fil-messaġġ vidjo tiegħu fit-2 ta’ Lulju li għadda fl-okkażjoni tal-preżentazzjoni tal-forma straordinarja tal-Laqgħa, l-Papa Franġisku enfasizza li “kulħadd se jkun jista’ jipparteċipa, anke dawk li ma jistgħux jiġu Ruma.”
Il-Papa ħeġġeġ lill-komunitajiet djoċesani, kull fejn possibbli, biex jippjanaw inizjattivi bbażati fuq it-tema tal-Laqgħa: “L-imħabba tal-familja: vokazzjoni u triq għall-qdusija.”
“Nitlobkom biex tkunu dinamiċi, attivi u kreattivi fl-organizzazzjoni ta’ dan mal-familji f’armonija ma’ dak li se jsir f’Ruma,” qal il-Papa Franġisku. “Din hija opportunità sabiħa biex niddedikaw lilna nfusna b’entużjażmu għall-ministeru tal-familja mal-konjuġi, il-familji u r-ragħajja flimkien”.
Għal aktar tagħrif idħol fuq is-sit: https://www.vaticannews.va/en/vatican-city/news/2021-07/vatican-unveils-official-image-for-x-world-meeting-of-families.html