Il-ħolqien sħiħ ta’ Alla
Tassew li Alla jagħmel kollox bil-kbir.
Fir-Rumanzi miktuba mil-Missier tagħna San Ġwann tas-Salib, huwa jitkellem fuq ħolqien sħiħ ta’ Alla, u kif dawn il-krejaturi maħluqa minn Alla tqiegħdu fuq żewġ livelli:
Dawk li tqiegħdu fil-kmamar ta’ fuq (dawn huma l-Anġli) u dawk li tqiegħdu fil-kmamar ta’ isfel, li huwa l-bniedem u l-ħlejjaq l-oħra kollha maħluqa minn Alla.
Alla ħalaq eluf ta’ miljuni ta’ Anġli (jiġifieri eluf ta’ eluf ta’ eluf, jew numru b’disa’ żerijiet).
Terz tal-Anġli li jirribbellaw
Minn dawn terz irribbellaw kontra Alla.
Id-dnub ta’ dawn l-anġli ribelli kien li ma felħux jaċċettaw li huma ħolqien ta’ Alla u mhux alla.
L-Anġli Kustodji
Kull wieħed u waħda minna għandna anġlu biex jipproteġina. Dan L-ANĠLU (li jissejjaħ) KUSTODJU, IKUN DEJJEM MAGĦNA, BIEX JIPPROTEĠINA U JGĦINNA NIMXU FIT-TRIQ TAL-GRAZZJA. Il-Festa tal-Anġli Kustodji hija nhar il-Ħamis li ġej (2 ta’ Ottubru).
L-Arkanġli Mikiel, Gabriel u Rafel
Fost l-Anġli l-oħra kollha, jispikkaw tliet Anġli li biex niddistwingwuhom mill-Anġli l-oħra, nsejħulhom Arkanġli:
Mikiel jiġifieri ‘Min hu bħal Alla’.
Mikiel huwa l-kap tal-anġli li flimkien jipproteġu lil kull min jinvokhom.
Mikiel ukoll jiddefendi lil Knisja mill-attakki tad-demonji. Dan ifisser li l-forzi tad-dlamijiet QATT MA HUMA SE JKISSRU LIL KNISJA, AFDATA F’IDEJN IL-PAPA (ikun min ikun).
Rafel jiġifieri ‘Alla jfejjaq’.
Rafel jiġi invokat f’ċirkostanzi ta’ mard, u meta persuna tkun se tivvjaġġa.
Gabriel jiġifieri ‘Il-qawwa tiegħi hi Alla’.
L-arkanġlu Gabriel huwa magħruf l-aktar għax huwa l-ħabbar (il-messagġier) ta’ Alla’.
L-importanza tal-Festa lit-tliet Arkanġli tas-Sema
Din il-Festa tallum tfakkarna għalhekk li:
- Fil-mixja tagħna lejn is-Sema pajjiżna QATT MA AĦNA WAĦEDNA
- Fil-mumenti li fihom inħossuna assedjati mil-ħażen, hemm dawn l-Arkanġli (l-aktar San Mikiel) li qiegħed jgħinna noħorġu rebbieħin;
- Fil-mumenti ta’ mard tal-ġisem u dawk tar-ruħ, Alla dejjem lest li jagħtina l-fejqan, l-aktar permezz tal-Arkanġlu Rafel;
- Fil-mumenti meta nħossu li l-forzi tal-ħażen qegħdin minn fuq, niftakru li m’hemm ħadd li huwa aqwa u aktar qawwi minn Alla.
Nagħmlu dejjem kuraġġ
L-aħwa NAGĦMLU KURAĠĠ għax f’din il-battalja li ninsabu fiha għandna mhux il-forzi tan-Nato li qegħdin jgħinuna u jibgħatulna s-suldati u l-armamenti, imma GĦANDNA l-FORZI KOLLHA TAS-SEMA MAGĦNA.
DAN IFISSER LI MHUX IL-BOGĦOD, IR-REBĦA TAT-TAJJEB FUQ IL-ĦAŻIN SE TKUN THE NEW WAY OF LIVING.
Għax ir-rebħa hi fil-qrib
Ahhhhhhh kemm ikun qiegħed jintlagħab mid-demonju minn bħalissa jaħbat jaqta’ qalbu għax jara wisq ħażen madwaru.
Huwa minnu li d-demonju u l-anġli ribelli jgħinuk tassew titla’ ‘l fuq, jistgħu jaslu li jagħtuk dak li trid issa fl-immedjat, IMMA DAN JAGĦMLUH BISS BIEX IL-WAQA’ TIEGĦEK TKUN AKTAR EVIDENTI GĦAL KULĦADD.
X’UMILJAZJONI MBAGĦAD, u kemm tkun tixtieq li l-art tibilgħek.
Għamiltha tal-hero u tal-modern. Ħsibt li moħħok ‘miftuħ’ u li ‘ħadd’ ma jista’ għalik, u ara issa kif sirt ir-raġuni biex kulħadd jidħaq bik.
L-AĦWA, MA NAQTGĦU QALBNA QATT GĦAX MIN HU DAQS ALLA ?
ĦADD, ĦADD U ĦADD.